10 Interesting Features of Facebook Page

Facebook page to aap me se kai log manage karte honge? Kisi ne apni site ka page bana rakha hai to kisi ne jokes ke liye page bana rakha hai, kisi ne technology ka bana rakha hai.

Facebook page banakar aap badi community se connect ho sakte hain aur agar professional page hai to affiliate marketing karke paisa bhi kama sakte hain. Last kuch years me facebook ne page section ke liye kafi nayi features add ki hain.

Facebook page ab ek business place ban gaya hai, ji ha most of companies ke pages aap Fb par dekh sakte hain, sabhi companies apne fb page par products ko promote karti hain, Website owners apne articles promote karte hain.

Aaj main aapko apni is post me Facebook page ki kuch interesting features batane ja raha hu, sayad aap jaante bhi hon aur sayad na bhi jaante ho. Ek baat to tay hai in features ko jaankar aap bhi facebook page create karne se apne aap ko rok nahi payenge. so Let’s see:-

1# Page par kisi bhi Country ko Block kare

Kya aap apna page kisi single country ko hi show karna chahte hain ya fir kisi single country ko block karna chahte hain, to aap kar sakte hain.

facebook page ki Settings open kare, yaha General tab par Country Restrictions me:

• only show this page to viewers in these countries me aap wo country add kare jaha aap apna page show karna chahte hain. aapki enter ki gayi country me hi page show karega.
• Hide this page from viewers in these countries me aap wo country add kare jinko Block karna hai.

2# Page par kisi bhi Words ko block kare

Koi aapke page par spam kar raha hai ya fir galat words use kar raha hai? To kyu na un words ko hi block kar diya jaye taki koi un words ko hamare page par post hi na kar paye.

• Apne page ki Settings ko open kare, yaha General tab par Page moderation par click kare.
• Now wo words add kare jinko aap Block karna chahte hain. And save kare.

3# Page par Visitors Post Disable kare

Aap nahi chahte ki koi visitor aapke Timeline par post kare? Aap sirf apne timeline par khud ki post dekhna chahte hain?

• Apne facebook page ki Settings ko open kare, yaha General tab par Visitors Post me click karke ‘Disable post by other people on the page‘ ko select kare.

4# Visitors ko Auto Reply message Send Kare

Suppose Kisi visitor ne aapko message kiya, uske message karte hi turant us visitors ko aapki taraf se reply mile “thanks for contact, we will reply soon” kuch aisa.

Ji haa facebook page par aap apne visitors ko auto reply send karke apne visitors ko impress kar sakte hain. Kayi companies apne page par is feature ka use karti hain.

• Apne page ki Settings open kare, yaha Messaging tab par ‘Send instant Replies to anyone who messages your page‘ par YES select kare.
• Aap apna custom reply message type kar sakte hain iske liye Change par click kare.

5# Page Admin, Moderators ADD kare

Apne kisi friend ko page ka Admin, Moderator banana chahte hain? Aapke paas time na ho page ko manage karne ka to aap kisi aur ko admin ya moderator bana sakte hain.

• Settings ko open kare, yaha Page Roles me aap apne friend list me se ya fir kisi email address se kisi aur person ko add kar sakte hain.
• Role me aap Admin, Editor, Moderator, Advertiser jaise option select kar sakte hain.

6# Page par Kisi user ko BAN kare

Kisi suspicious user ko block karna chahte hain? Agar aapko kisi user se problem hai to aap usko ban kar sakte hain.

• Facebook page par kisi user ko ban karne ke liye Settings open kare, yaha People and Other Pages me aapko user ke right side me icon par click karke “Ban from page” select kare.

7# Page ki Full Activity Dekhe

Facebook page ke Analytics tool par aap apne page ki full activity dekh sakte hain jisme visitors, posts,  pageview, Likes etc shamil hai.

Apne page ki har movement par aap nazar rakh sakte hain. Theek waise hi jaise aap apni site par Google Analytics tool ka use karte hain.

Apne page ki Full activity dekhne ke liye Insights par click kare.

8# Post Schedule Par Rakhe

Aapke paas 24/7 apne fb page ko manage karne ka samay nahi hota. Aise me regular post karke Timeline updated rakhna muskil hota hai.

Suppose aap kuch din facebook use hi na kare to aap post kaise karenge, yaha Post Scheduling kaam karti hai.

Bus aapko kuch post karke Publish button me options me Schedule select karna hai. Schedule me date and time set karke post publish kar de. Ab jis date and time par aapne post schedule par rakhi hai wo usi date par publish ho jayegi.

9# Offers Create kare

Facebook aapko free me aisa platform deta hai jaha aap Affiliate marketing ke jariye paisa kama sakte hain. Ji bilkul, aapke paas FB par achhi Community hai to aap Affiliate products promote karke Paisa kama sakte hain.

Fb page par offer create karne ke liye aapko just Timeline post status me Offers tab par click karna hai aur apni Products ki details add karna hai. For more details Click here

10# Page par Shop create kare

Aapke page par aapko apni products sale karna hai? Koi Theme , software, App, Cloths, Books, smartphone etc etc., to fir shop create kar lijiye.

Ji ha aap Shop create kar sakte hain apne Products ki aur sale kar sakte hain. Iske liye aapko +Add shop section par click karna hai.

Shop section me aap products image, Video, Price, description sab kuch add kar sakte hain Payment method me paypal, Debit card set kar sakte hain. Iski detail main aapko special post karke bataunga.

Update:

11# Automatic Translate Post

Facebook page ke liye ek aur new feature launch ki hayi hai “Post Automatic translation”, aap is new feature se apni post ko multiple language me translate kar sakte hain wo bhi automatic. Feature ki details dekhne ke liye hamari yah post read kare- facebook post ko auto translate kaise kare?

---

Conclusion

To aapne dekha facebook page kitna important hai aapke liye, aapke business ke liye. Aap koi bhi business kyu na karte ho, uski promotion and marketing ke liye yah best platform hai.