SBI NEFT Fund Transfer Kaise Karte Hain?

State bank of India me aap IMPS se instantly kisi bhi account me fund transfer kar sakte hain, par agar aapki amount Rs. 2 lac se upar ho to aisi condition me aapko money NEFT se transfer karna padta hai.

NEFT ka matlab hota hai (National electronic fund transfer), lagbhag sabhi banks aapko online NEFT ke jariye kisi bhi account me money transfer karne ki facility provide karti hai.

SBI NEFT me aap maximum Rs.10 lac amount kisi bhi account me transfer kar sakte hain.

Aaj main aapko bataunga ki kis tarah aap online apne SBI net banking account se NEFT ke through kisi bhi account me fund transfer kar sakte hain.

How To Transfer Money Through NEFT in SBI

NEFT se online fund transfer karne ke liye aapki net banking activate honi jaroori hai tabhi aap online apna account access kar sakte hain.

Agar aapki Net banking active nahi hai to don’t worry aap apne Debit card se online net banking ko activate kar sakte hain, iske liye aapko branch me visit karne ki jarurat nahi hai.

Ok, to chaliye NEFT se fund transfer karte hain.

1. Add Beneficiary

Sabse pahle aapko apne account me beneficiary account add karna hai.

Beneficiary account wo hota hai jisko aap money send kar rahe hain. Kisi bhi bank me online fund transfer karne se pahle hume beneficiary apne account me add karna jaroori hai tabhi aap money transfer kar payenge.

Beneficiary add karne ke liye apne Net banking account me Profile par click kare. Profile par Manage Beneficiary par click kare.

Ab next screen me apna Profile Password enter kare, dhyaan rahe profile password 3 times wrong type karne par aap 1 day ke liye block ho sakte hain so add password carefully.

Next screen me aap add/manage beneficiary me alag-alag beneficiary add kar sakte hain. NEFT ke liye yaha 2 type ke beneficiary option hain.

1. Intra-Bank beneficiary: Within SBI to SBI
2. Inter-bank Beneficiary: SBI to other bank

Aap jisko fund transfer kar rahe hain uska account SBI me hai to Intra-bank par click kare aur agar other bank account hai to inter-bank par click kare.

Next screen me aapko Add par click karna hai aur Beneficiary ka account name and other details add karna hai.

• Beneficiary details me Name, Account number, Maximum amount limit add kare. Agar inter bank (other bank) hai to IFSC code add kare aur submit par click kare.

Next screen me Approve Now par click kare.

Next Approve Beneficiary select kare.

Ab aapke SBI Registered Number par High security password SMS receive hoga wo OTP aapko beneficiary select karke add karna hai and click Approve button.

Humne successfully Beneficiary account add kar liya hai.

Ab within 4 hours me aapka Beneficiary account activate ho jayega aur uske baad aap beneficiary ko money send kar sakte hain.

2. Added Beneficiary ko NEFT Fund Transfer kare

Beneficiary activate hone ke baad ab aap uske account me money send kar sakte hain.

Money transfer karne ke liye Net banking account me login kare.

Account me login karne ke baad Payments/Transfers tab par click kare.

• Payments transfer me Within SBI (SBI to SBI) or Outside SBI (inter-bank  beneficiary) option par click kare.

Next screen me fund transfer karne ke liye alag-alag options aap dekh sakte hain, isme aapko NEFT select karna hai.

Fund transfer screen me apna account select kare, Amount enter kare, beneficiary select kare aur Pay Now choose kar submit par click kare.

Submit par click karne ke baad next screen me confirm kar le ki amount and beneficiary sahi add kiya hai, now click confirm.

Confirm par click karne ke baad High security password aapke mobile number par receive hoga wo next screen me enter kare.

That’s it aapne successfully NEFT ke through money transfer kar diya hai, aap chahe to transaction ka print out kar sakte hain for future reference.

NEFT Me Money Kab tak Beneficiary account me Credit hogi?

NEFT me IMPS ki tarah instant money transfer nahi hota. NEFT me fund transfer karne ke baad within 24 hours me money beneficiary account me credit ho jata hai.

Suppose aapne Morning 8 am fund transfer kiya hai to aisi condition me evening me 6PM tak beneficiary ke account me money credit ho jata hai.

Holiday period me aapko next day tak wait karna padta hai money receive karne ke liye.

Overall 24 hours me NEFT se transfer kiya gaya money kisi bhi account me credit ho jata hai.

Main recommend karunga ki maximum amount online transfer karne ke liye aap NEFT use kare, IMPS me kabhi-kabhi technical issues ki wajah se fund transfer fail ho jata hai aur uske baad aapko kafi problems face karni pad sakti hain. Main aisi situation face kar chuka hu.