SBI NEFT Money Transfer ke liye Beneficiary Add Kare

State Bank of india asia ki sabse badi bank me se ek hai. India me sabse jyada branches sbi ki hi hai. Onlinesbi ek aisi jagah hai jaha aap ghar baithe hi banking kar sakte hain. Aaj har bank apne customers ko online banking ki facility provide karti hai.

Aaj main apne SBI customers ko batane ja raha hu ki kaise aap online NEFT fund transfer karne ke liye onlinesbi net banking ke through beneficiary add kar sakte hain.

Kisi bhi bank me online fund transfer karne ke liye sabse pahle hum jise money send kar rahe hain uska account approve karna jaruri hai. Kuch private bank me aap bina beneficiary add kiye bhi money transfer kar sakte hain but SBI me to aapko beneficiary add karna hi padta hai.

To Chaliye dekhte hain NEFT se find transfer karne ke liye onlinesbi me beneficiary kaise approve karte hain.

ADD beneficiary to onlinesbi for NEFT fund transfer

1

Sabse pahle apne onlinesbi account par log-in kare. login karne ke baad aapko home page par Profile Tab par click karna hai. Profile ke andar Manage Beneficiary par click kare.

Next Screen me Apna profile password enter kare.

2

Beneficiary list me aapko 1) intra bank beneficiary 2) inter bank beneficiary option show karenge.

• Intra-Bank beneficiary ko jab aap SBI-SBI fund transfer karte hain tab select karte hain.
• Inter-bank beneficiary ko jab hum other bank me fund transfer karte hain tab select karte hain.

3

Intra-bank or inter-bank, aapko jise add karna hai us option par click kare, ab next screen me hume beneficiary ki details add karna hai.

• Name me beneficiary ka name add kare.
• Account Number me beneficiary ka account number type kare.
• inter/intra bank transfer limit me maximum amount limit enter kare. Maximum aap 10 lac amount transfer kar sakte hain.
• Ab IFSC or Location me koi ek option select kare. Isme aapko beneficiary ka IFSC ya location enter karna hai.
• OTP ke liye apna mobile number check kar le ok hai ya nahi.

[junkie-alert style=”grey”] Ab i accept term condition par check karke Submit kar de. [/junkie-alert]

4

Next screen me Approve Now par click kare.

5

Next screen me Approve beneficiary option select kare.

6

Next screen me Approve through OTP par click kare. OTP select karne par aapke mobile par OTP aayega jo aapko enter karna hoga.

7

Next Screen me beneficiary select karke OTP enter karke Approve par click kare. That’s it. Ab next 4 hours ke andar aapka added beneficiary approve ho jayega aur aap money transfer kar sakte hain.