IRCTC Mobile App Se Fast Train Ticket Book Kare

Kya aaj bhi aap train tickets book karne ke liye line me khade rahte hain aur apna time waste karte hain.

Lekin jo kaam aap apne smartphone se sirf 10 minutes me kar sakte hain uske liye station par jakar pareshaan hone ki kya jarurat hai.

IRCTC (Indian Railway Catering And tourism Corporation) Indian Railway ka online portal hai jaha aap train ticket book kar sakte hain.

IRCTC ki Mobile App Android, iOS and windowsphone par available hai jiska use karke aap sirf 10 minutes me train ticket book kar sakte hain.

Yaha main aapko IRCTC Mobile App par train ticket book kaise karte hain wo batane wala hu.

How To Book Train Ticket from IRCTC Mobile App

IRCTC Indian Railway ki official App hai jise aap playstore and iOS store par download kar phone me install kar sakte hain.

1

Sabse pahle IRCTC Mobile App ko Install kare apne Phone par.

2

IRCTC se ticket book karne ke liye aapko IRCTC me Account create karna hoga.

App open kare aur Register par click karke apna account banaye aur Login kare

Mera account already hai isliye main apne account me login kar raha hu.

3

IRCTC app me login karne ke baad Train Search kare.

• Mujhe Ahmedabad to mumbai jana hai, isliye  From me  Ahmedabad and To me mumbai type karke search karunga.
• Journey Date select karenge
• Quota me General select karenge

4

Search Results me aap available train list dekh sakte hain.

Jis train se aap travel karna chahte hain us par tap kare

Tap karne par aapke saamne 1A (1st class AC), 2A (2nd class AC), 3A , SL Class option show hongi.

Mujhe Sleeper me jana hai isliye main SL Class par Tap karunga.

Class par tap karne ke baad aapke saamne Reservation available hai ya nahi wo show karega.

Agar Available hain to Available par TAP kare

5

Next screen me aapko Passengers add karna hai.

Add Passenger par Tap kare aur one by one passenger add kare jisme passenger ka name, age, gender and berth select kare. (Berth me aap Lower berth, middle ,upper etc choose kar sakte hain)

Passenger add karne ke baad BOOK par Tap kare

6

Agli screen me aapko Total kitna Paisa pay karna hai wo summary show karegi, Proceed to Payment par Tap kare.

7

Ab agli screen par aap koi bhi payment method select karke Pay kar sakte hain.

Yaha aap MobiKwik and PayUmoney jaise mobile wallet se bhi pay kar sakte hain.

Aap other payment options me Netbanking and Debit/Credit card se bhi Pay kar sakte hain.

8

Successfully Payment karne ke baad aapki train ticket book ho jayegi.

Aapki email ID par and mobile par PNR send hoga. Aap train ticket ki print le sakte hain email me send kiye gaye mail se.

App me My Booking option me aap apni Booked ticket dekh sakte hain. Suppose aapko ticket Cancel karna hai Cancel Ticket ka option available hai us par tap kare.

To is tarah se aap fast sirf 10 minutes me train ticket book kar sakte hain IRCTC mobile app par. App me tatkal ticket ka bhi option hai jaha aap tatkal ticket book kar sakte hain.