Microsoft Account Me 2-Step Verification Enable Kare

Google Account me 2-step verification activate karke aap 2 layers security se apna account secure kar sakte hain, bilkul yahi feature Microsoft account me bhi available hai, aap apne microsoft account me bhi 2-step authentication activate kar sakte hain.

Activate 2-step verification in Microsoft Account

Sabse pahle aapko apne microsoft account par log-in karna hai.

Account me login karne ke baad Account Settings open kare. Account settings option aap logo avatar par click karke dekh sakte hain.

• Account Settings open karne ke baad “Security & Privacy” option par click kare.
• Security & Privacy me “more security setting” par click kare.

More security setting me “Set up 2-Step Verification” par click kare.

Setup me sabse pahle aapko apne registered mobile number ko select kar, last 4 Digit enter karna hai. (Agar aapne number registered nahi kiya hai to option me “i don’t have any of these” choose karke apna mobile number verify kare)

Now click “Send Code”, ab aapke number par code receive hoga jo aapko next screen me add karna hai.

Apna received code enter kare and Submit kare.

Now aapka 2-step verification ON ho jayega. Ab aap jab bhi apne Account me login karenge, aapse security code poocha jayega.

Apna Special Recovery Code Generate Kare

Jaisa ki aap jaante hain 2-step verify me jab bhi aap apne account par login karenge aapse code enter karne ko kaha jayega jo ki aapke Mobile Number par receive hoga.

Magar aap 24/7 mobile apne sath nahi rakhte, suppose aapko bina Mobile number ke apna code enter karna ho.

Microsoft iske liye aapko ek special code provide karta hai jo ki bahut secret hota hai. Is code se aap apne Account me bina mobile number ke bhi sign in kar sakte hain.

Aap yah special code generate kar sakte hain apne Account me aur apne paas safely rakh sakte hain.

Code Generate karne ke liye “more security setting” me jaye aur yaha par “Recovery Code” me Replace Recovery code par click kare. Aapko ek unique code provide kiya jayega jo aap apne sath rakh sakte hain login karne ke liye.

Mobile App par offline Code Receive kare

Apne Account par login karne ke liye aapko code enter karna padta hai yah code aap mobile par SMS ke jariye receive karte hain.

Agar aapko Code SMS se receive nahi karna hai aur mobile App ke through code generate karna hai wo bhi bina internet ke, to aap yah bhi kar sakte hain. See how:-

1

Apne smartphone par microsoft authenticator app download and Install kare, yah aap Android, windows phone, iOS par available hai.

2

Ab apne Microsoft Account me “more security settings”  me enter kare aur identity verification apps me “Set up identity verification app” par click kare.

3

Ab next aapne jo App download and install ki hai wo platform choose kare, android, windows phone, iphone and next par click kare

4

Platform select karne ke baad ab next aapko QR code scan karna hai mobile app se. Screen par QR code ko apni App ko open kar scan kare.

Scan karte hi aapke Mobile app me code generate hoga wo code aapko enter karna hai. aur click next.

Great! Aapne successfully apne microsoft account ko Authenticator app se connect kar liye hai. Ab aapko SMS code par depend nahi rahna padega. Aap Authenticator app se offline code generate karke account login me use kar sakte hain.