PayPal Me Pre-approved Payment Kaise Disable Kare

Kya aapke PayPal account se money automatic debit ho raha hai, ya unauthorized debit/credit card transaction ka message aapke mobile number par receive ho raha hai? – Ho sakta hai aapke paypal account me preapproved payment active ho

Kya Hai Pre-approved Payment

Aap jab paypal ke through payment karte hai tab by default kai bar aapki jaankari ke bahar aapke account me wo merchant payment ke liye pre-approved ho jata hai aur aapki bina jaankari ke automatic aapke Debit/credit card se us merchant ko payment ho jati hai.

For example, maine hostgator se hosting purchase ki thi aur payment maine paypal ke through kiya tha. Ab mere account me hostgator by default payment ke liye pre-approved active ho gaya.

Ab baar baar mere hostgator ki taraf se mere paypal me unauthorized transaction hone laga, bina mere jankari ke, but thank god mere bank account me balance nahi tha isliye payment unsuccessful ho jati thi. Mujhe daily transaction failed ka message aata tha but mujhe pata nahi tha ki aisa paypal me ho raha hai.

Jab maine is metter ke bare me pata kiya tab mujhe pata chala ki mere paypal account me hostgator pre-approved payment ke liye active hai isliye meri jaankari ke bina mere debit card se wo transaction kar sakta hai.

Iske baad instantly maine apne paypal me se hostgator pre-approved payment ko inactive kar diya, aur uske baad mujhe koi bhi transaction ka message receive nahi hua.

Aap agar paypal se payment karte hain to kayi baar aapne bhi is situation ko face kiya hoga. Aaj main aapko bataunga ki kaise aap kisi merchant ko pre-approved payment se inactive kar sakte hain.

Disable Pre-approved payment in PayPal

Step 1: Sabse pahle apne paypal account me login kare, uske baad apne right side Setting icon par click kare. Setting me Payments option par click kare.
Step 2: Payments ke andar aapko Pre Approved Payments par click karna hai.

Step 3: Ab agli screen me aap dekh sakte hain ki kaun sa merchant pre-approved payment ke liye Active hai, jaisa ki aap below Image me dekh sakte hain mere paypal account me is samay Bluehost.com active hai.

Ab mujhe ise Inactive karna hai. Inactive karne ke liye merchant ke upar click kare, yaha main Bluehost.com ke upar click karunga.

Step 4:  Ab next screen me aapko Cancel par click karna hai. Jaisa ki aap below image me dekh sakte hain.

Click karte hi aapse confirmation ke liye poocha jayega Yes par click karke confirm kare.

Ab aap dekhenge jo pre-approved active thi ab inactive ho gayi hai. That’s it aapne successfully merchant ko pre-approved payment ke liye disable kar diya hai.

Conclusion

To dosto, Paypal me payment karte samay hamesha is baat ka dhyaan rakhe ki jise aap payment kar rahe hain wo aapke account me pre-approved payment ke liye Active na ho, nahi to aapki jaankari ke bina hi aapke Debit/Credit card se payment automatic ho jayega aur uske baad aapko pata chalega transaction ke bare me.

Agar aapke card me balance nahi hai to bhi transaction failed ka baar baar aapko message milta rahega.

Online transaction ke liye paypal sabse best and safe hai, maine apna kotak debit card paypal me add kiya hua hai jaha se main bina kisi problem ke international transaction kar sakta hu. Khaas kar kuch purchase karna ho like themes, plugins, services.