SBI Me IMPS Se Money Transfer Kaise Kare

Aaj main apne new SBI users jinko online banking ke bare me bahut kam knowledge hai unhe IMPS fund transfer kya hai aur IMPS se money transfer kaise karte hain iske bare me step-by-step batane ja raha hu.

State Bank of India hamare desh ki sabse badi bank hai, har city se lekar villages me iski branches available hai. Sabse jyada banking customers bhi SBI ke hain. Most of customers jinko online banking ke bare me pata nahi hota wo branch me visit karke hi sara kaam karte hain.

Bahut kam khaas-kar hamari youth generation hi hai jo internet banking ka use karti hai. Jaisa ki aap jaante hain aaj aap ghar baithe hi sara Banking ka kaam kar sakte hain. Account open karne se lekar money transfer karne tak – sab kaam aap online kar sakte hain.

Yaha hum IMPS Money transfer kya hota hai aur SBI me IMPS se fastest Fund(money) transfer kaise karte hain iske bare me jaanenge. Let’s See:-

IMPS Kya Hai?

IMPS (immediate Payment Service) yah electronic fund (money) transfer karne ka fastest option hai. Aap kuch seconds me hi apne relatives, friends ke account me online money send kar sakte hain.

IMPS ki facility 24/7 available hai, Aap kisi bhi samay is service ka use kar sakte hain. State Bank of india me kuch restriction ki wajah se aap morning 8AM to evening 8PM ke beech me IMPS se money send kar sakte hain. Private bank me yah 24/7 available hai.

MMID kya Hai?

MMID yah Mobile Money Identification Number hai jo har IMPS user ko provide kiya jata hai. Agar aapke paas saamne wale ka MMID number hai to uske account number ki aapko koi jarurat nahi hai.

IMPS Money transfer ke liye MMID jaruri nahi hai, aap Account number and IFSC code use karke bhi IMPS se money send kar sakte hain.

---

State Bank of India Me IMPS se money send karne ke liye aapko sabse pahle Beneficiary ADD karna padta hai.

• Agar aap IMPS se fund transfer Person to Account kar rahe hain hain to aapko paisa receive karne wale ka keval Account number and IFSC code jaruri hai.
• Agar aap Person to person Money send kar rahe hain to aapke paas paisa receive karne wale ka name, MMID and Mobile number hona jaruri hai.

Person to Account money transfer kar rahe hain to aapko saamne wale person ko manage beneficiary me ADD karna padega. Iske liye meri is Post ko padhe.

Agar aap Person to Person Money transfer karenge to aapko IMPS beneficiary add karna padta hai. Read Below Guide:-

SBI Me IMPS Beneficiary ADD kaise Kare?

Sabse pahle apne onlinesbi account par login kare. Agar onlinesbi account aapke paas nahi hai to Branch me jakar NetBanking ke liye Apply kare, aapko kuch minutes me hi net-banking kit provide kara di jayegi.

OnlineSbi par Login karne ke baad “Profile” Tab par click kare. Profile ke andar aapko “Manage Beneficiary” par click karna hai. (See below image)

Click Manage Beneficiary

Manage Beneficiary access karne ke liye aapko next screen me apna Profile Password enter karna padega, Profile password enter kare.

Ab hum manage beneficiary page par “IMPS Beneficiary” par click karenge. (See below image)

Click- IMPS Beneficiary

Ab agli screen me hume IMPS Beneficiary ki details ADD karna hai, Beneficiary ka matlab jise hum money send karna chahte hain wo person.

ADD Beneficiary Details

• Beneficiary Name: Yaha aapko jise money send karna hai us beneficiary ka Name enter karna hai.
• Beneficiary MMID: Beneficiary ki MMID add kare. Confirm MMID par fir se ADD kare. Jaisa ki maine kaha keval Beneficiary ADD karne ke liye aapko MMID jaruri hai, money transfer aap bina MMID ke kar sakte hain.
• Beneficiary ka Mobile Number enter kare.
• Fund transfer limit me aap maximum kitni money transfer limit rakhna chahte hain is beneficiary ke liye wo add kare. Maximum aap 2 lac transfer kar sakte hain.
• Sari Details correctly enter karne ke baad Submit par click kare.

Ab next screen me aapko Approve Now par click karna hai.

Click Approve Now

Approve Now par click karne ke baad next screen me aapko “Approve through OTP” select karna hai. (See below image)

select Approve through OTP

Approve through OTP par click karne par aapke Registered Phone number OTP (one-time-password) receive hoga.

Receive kiye gaye OTP ko next screen me beneficiary select karke, enter High security password me OTP enter kare. Now click on Approve. (See below image)

click Approve

That’s it, Humne successfully IMPS Beneficiary ADD kar liya hai. Ab 4 hours ke baad aapka Beneficiary Activate ho jayega.

Beneficiary Activate hone ke baad aap starting me Rs.10,000 send kar sakte hain uske baad after 4 days aap apni set ki gayi Maximum Amount limit me money send kar sakte hain.

---

IMPS beneficiary ADD karne ke baad ab hum SBI Anywhere Mobile App, Desktop par onlinesbi portal se registered beneficiary ko paisa send kar sakte hain.

Sabse pahle hum onlinesbi par IMPS ke through money send kaise karte hain iske bare me jaanenge.

OnlineSBI par IMPS se money Transfer kare

Apne onlinesbi Account par Login kare. Yaha Payments/transfer tab par click kare. Payments/transfer me aapko “IMPS fund transfer” option par click karna hai. (see below image)

select IMPS fund transfer

Ab agli screen me aapko two option milenge:

• Person to Account(using IFS code): Is option ko select karne par aapke paas beneficiary ka Account number and IFSC code hi jaruri hai.
• Person to Person (Using MMID): Is option ko select karne par aapke paas beneficiary ka Name, MMID and contact number jaruri hai.

Koi bhi option select kare and proceed par click kare.

Proceed karne ke baad agli screen me apna account number select kare jisme se aapko money send karna hai, Amount enter kare, uske baad saamne wale money Receiver ko select kare jise aapne ADD kiya hai. Submit par click kare.

Submit par click karne ke baad aapke registered number par OTP receive hoga, use enter kare Fund transfer confirm kare. That’s it.

SBI AnyWhere se IMPS fund Transfer Kare

SBI Anywhere Mobile App Android, Windows Phone. iOS, Blackberry par available hai aap ise Download karke banking ki sabhi features use kar sakte hain.

SBI Anywhere App par Login Kare, Login ID aapki wohi hai jo ID netbanking ke liye use karte hain.

Login karne ke baad “Banking” Tab par tap karke open kare. Yaha aapko “IMPS” ke option par tap karna hai. (See below image)

Tap on IMPS

Ab next screen par aapko two options show karenge, Usme se koi bhi select kare. jaisa ki maine pahle bataya:-

• Person to Account (using IFSC): Isme aapko beneficiary ka Account number and IFSC code pata hona chahiye.
• Person to person (using MMID): Isme aapko Beneficiary ka Name, MMID and contact number pata hona jaruri hai.

Ab algi screen par aapko apna account and beneficiary ko select karna hai, Amount enter karke Submit kar de. Registered number par OTP receive hoga use enter karke fund transfer kar de.

That’s it/

FAQ

1: SBI Me main apna MMID kaha se receive karu.
Answer: Apne Registered mobile number se “MMID SBI” type karke use 9223440000 par send kare. Aapko MMID mil jayegi.

2: Mujhe SBI se other bank me IMPS se paisa transfer karna hai, kitna samay lagta hai?
Answer: Jaisa ki maine kaha IMPS se aap kisi bhi bank me money send karoge to wo kuch seconds me instantly send ho jata hai.

3: SBI Anywhere App me Person to person select karne par kuch nahi hota.
Answer: Aapne MMID se beneficiary add nahi kiya. Maine is post me aapko yahi bataya hai kaise MMID se beneficiary add kare.

4: SBI ke alawa Other bank me MMID kaise receive kare.
Answer: MMID private bank me aap internet banking me dekh sakte hain. Better hai customer care me call kare.

5: IMPS se money send kiya but success nahi hua.
Answer: Agar transaction fail ho jata hai to wo paisa reverse aapke account me credit ho jata hai.